Opið í Hlíðarfjalli í dag

Skíðasvæði Akureyringa í Hlíðarfjalli verður opnað nú klukkan tíu og þar verður hægt að renna sér til klukkan fjögur í dag. Rekstraraðilar Hlíðarfjalls segja að þar frábært veður, glampandi sól, nánast logn og tveggja stiga hiti. Skíðasvæði Ísfirðinga á Tungudal var opnað klukkan átta í morgun. Þar er troðinn blautur snjór og lyftur verða í gangi til klukkan fimm. Skíðasvæðið í Oddsskarði er opið frá klukkan ellefu til fjögur. Þar lítur út fyrir góðan dag með sól og blíðu. Búið að troða helstu leiðir en færið sagt blautt. Skíðasvæðin suðvestanlands í Bláfjöllum og Skálafelli eru hins vegar lokuð.