Segir Loftbrú ljómandi dæmi um allt sem er að í íslenskri pólitík Jakob Bjarnar skrifar 9. september 2020 16:04 Smári McCarthy gagnrýnir niðurgreiðslu á flugfargjöldum til landsbyggðarfólks harðlega, segir þessa hugmynd vanhugsaða. Sigurður Ingi kynnti áætlunina í beinni útsendingu á netinu og braust út nokkur fögnuður, einkum meðal Framsóknarfólks. visir/vilhelm Loftbrú, verkefni sem Sigurður Ingi Jóhannsson samgönguráðherra kynnti fyrr í dag og gengur út á að niðurgreiða sérlega flugferðir til fólks á landsbyggðinni, er að mati Smára McCarthy dæmi um allt sem er að í íslenskri pólitík; skítareddingar og skrum? „Klárlega. Framsókn er víða,“ segir Smári McCarthy þingmaður Pírata í samtali við Vísi. „Þarna er verið að horfa á kostnað við flugfargjöld frá röngum enda. Í stað þess að reyna að lækka kostnað við flugrekstur og búa þannig um hlutina að fyrirtæki sjái sér hag í að reka áætlunarleiðir, þá er verið að búa til þá ímynd að fólk sé að fá afslátt. Reyndin er að flugrekstur hefur verið í vondu ástandi innanlands í mörg ár og ekkert annað en fyrirsjáanlegt að verð muni hækka og þessi niðurgreiðsla skili sér ekki til neytenda,“ segir þingmaðurinn. Hann sér fjölmarga galla á hugmyndinni sem nú stendur til að hrinda í framkvæmd. Skrumsfnykur af málinu „Við sjáum líka að fólk úti á landi hefur oft aðgang að góðum afslætti í gegnum verkalýðsfélög á svæðinu; þau kaupa af flugfélögum hundruð flugferða fyrir fram með afslætti og áframselja til félagsmanna. Þetta Loftbrúarkerfi hefur verið kennt um að þessir afslættir fáist ekki lengur.“ Um fjörutíu prósenta afsláttur fyrir þá sem búa úti á landi á flugfargjöldum á kostnað heildarinnar hlýtur að vera gott veganesti fyrir þingmenn sem eiga sitt undir kjördæmakerfinu, að geta farið með slíkt „fagnaðarerindi“ út á land í komandi kosningar? „Það er frekar mikil skrumslykt af þessu, en það sem er verra er að þetta sýnir fram á skort á skilningi á því af hverju flug er svona dýrt - eða vanvilja til að taka á þeim hluta vandans, sem er óeðlilegur kostnaður við eftirlit, leyfisveitingar, þung lendingargjöld, stöðugjöld, flugleiðsögugjöld, og svo jafnvel að aðlaga virðisaukaskatt og annað.“ Eins og áður sagði gengur Loftbrú út á að niðurgreiða flugfargjöld til þeirra sem búa úti á landi. Hér fyrir ofan má sjá allt um málið í frétt Vísis en Sigurður Ingi Jóhannsson samgönguráðherra kynnti verkefnið í beinni útsendingu á Facebook. Í athugasemdum lýsa margir yfir ánægju með tiltækið svo sem Þórunn Egilsdóttir þingmaður Framsóknar sem segir: Loksins. Vanhugsað kjördæmapot fyrir einfalda Smári er þingmaður Suðurlands. Eru þeir þingmenn sem vilja hafa gott veður í héraði ekki nauðbeygðir til að þykjast styðja verkefni sem þessi? Landsbyggðarþingmennirnir. Við sjáum það til að mynda á afstöðu VG í sjókvíaeldismálum; flokkurinn gefur sig út fyrir að vera umhverfisverndarsinnaður en þegir þunnu hljóði í því máli af því að það þjonar ekki hagsmunum flokksins að teknu tilliti til kosningafyrirkomulagsins, að rugga þeim báti? „Ég er landsbyggðarþingmaður. Ég fæ svo sem reglulega á mig gusur af gagnrýni fyrir að spila ekki þessa hefðbundnu kjördæmapotsleiki. En staðreyndin er að mikið af kjördæmapoti er dót sem lítur vel út í ofureinfölduðum greinum í fjölmiðlum en það byggir oft á tíðum á rosalega grunnu hagsmunamati. Hvort er betra fyrir Vestmannaeyjar, að flugsamgöngur alls staðar á landinu séu ódýrar og skilvirkar, þar með talið til Eyja, eða að hver og einn Eyjamaður fái að nafninu til 40 prósenta afslátt af fimm flugferðum á ári þótt ekkert flugfélag geti látið það standa undir kostnaði að reka áætlunarflug þangað?“ spyr Smári og telur að ekki þurfi neinna stjarneðlisfræðinga til að sjá í hendi sér svar við þeirri spurningu. Hagsmunir heildarinnar eru hagsmunir landsbyggðarinnar „Ég nálgast öll mál út frá því að reyna að sjá hvað er best fyrir heildina, hvað virkar almennast, en mitt landsbyggðarsjónarmið er að ég þekki aðstæðurnar og er kunnugur staðháttum, og er því ekki blindur á vandamálin sem eru til staðar í héraði.“ Og þá varðandi hagsmuni heildarinnar og raunverulega hagsmuni heima í héraði. Væri ekki nær að efla samgöngur með öðrum hætti að ýta landsbyggðarfólki til höfuðborgarsvæðisins; til að efla þar starfsemi fremur en að styrkja landsbyggðafólk til að koma í Kringluna? „Það væri ein pæling. Þetta snýst minna um Kringluna og meira um að fólk komist til læknis. En miðstýringarblæti íhaldsflokkanna er orðið frekar þreytt.“ Byggðamál Fréttir af flugi Samgöngur Alþingi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Tíu sektaðir vegna notkunar nagladekkja Innlent Spaðar Rauðu myllunnar hrundu til jarðar í nótt Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Skipulögðu árásir í Þýskalandi og víðar í nafni ISKP Erlent Sánchez íhugar að segja af sér vegna meintrar spillingar Erlent „Dapurlegt“ að andstæðingar bólusetninga hafi svo mikil áhrif Innlent Ætlaði að koma upp um barnaníðing en lenti í klóm hans Innlent Ræða mest málefni íslenskunnar á fundum enskumælandi ráðs Innlent Fleiri fréttir Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Kínversk ferðaskrifstofa mátti sín lítils gegn TM Komu litlum fiskibáti til bjargar Þyrlan í loftið vegna slasaðs vélsleðamanns Ætlaði að koma upp um barnaníðing en lenti í klóm hans Alvarlegt umferðarslys í Eyjafirði Segir lág laun leikskólakennara mýtu Alltof mörg börn misstu af bólusetningu við mislingum Leyfisveitingin ekki brot á EES-samningnum Með 19 þúsund MDMA-töflur í ferðatöskunni Hafi líka reynt að bana eldri syni sínum Steinunn Ólína segir landráðamál í uppsiglingu Stofnaði lífi átta manna í hættu „í ábataskyni og á ófyrirleitinn hátt“ Fleiri löggur á leiðinni Seðlabankinn geti ekki annað en lækkað vexti Krefja Seðlabankann um vaxtalækkun Eldur í gámi við Sundabakka Sjá meira
Loftbrú, verkefni sem Sigurður Ingi Jóhannsson samgönguráðherra kynnti fyrr í dag og gengur út á að niðurgreiða sérlega flugferðir til fólks á landsbyggðinni, er að mati Smára McCarthy dæmi um allt sem er að í íslenskri pólitík; skítareddingar og skrum? „Klárlega. Framsókn er víða,“ segir Smári McCarthy þingmaður Pírata í samtali við Vísi. „Þarna er verið að horfa á kostnað við flugfargjöld frá röngum enda. Í stað þess að reyna að lækka kostnað við flugrekstur og búa þannig um hlutina að fyrirtæki sjái sér hag í að reka áætlunarleiðir, þá er verið að búa til þá ímynd að fólk sé að fá afslátt. Reyndin er að flugrekstur hefur verið í vondu ástandi innanlands í mörg ár og ekkert annað en fyrirsjáanlegt að verð muni hækka og þessi niðurgreiðsla skili sér ekki til neytenda,“ segir þingmaðurinn. Hann sér fjölmarga galla á hugmyndinni sem nú stendur til að hrinda í framkvæmd. Skrumsfnykur af málinu „Við sjáum líka að fólk úti á landi hefur oft aðgang að góðum afslætti í gegnum verkalýðsfélög á svæðinu; þau kaupa af flugfélögum hundruð flugferða fyrir fram með afslætti og áframselja til félagsmanna. Þetta Loftbrúarkerfi hefur verið kennt um að þessir afslættir fáist ekki lengur.“ Um fjörutíu prósenta afsláttur fyrir þá sem búa úti á landi á flugfargjöldum á kostnað heildarinnar hlýtur að vera gott veganesti fyrir þingmenn sem eiga sitt undir kjördæmakerfinu, að geta farið með slíkt „fagnaðarerindi“ út á land í komandi kosningar? „Það er frekar mikil skrumslykt af þessu, en það sem er verra er að þetta sýnir fram á skort á skilningi á því af hverju flug er svona dýrt - eða vanvilja til að taka á þeim hluta vandans, sem er óeðlilegur kostnaður við eftirlit, leyfisveitingar, þung lendingargjöld, stöðugjöld, flugleiðsögugjöld, og svo jafnvel að aðlaga virðisaukaskatt og annað.“ Eins og áður sagði gengur Loftbrú út á að niðurgreiða flugfargjöld til þeirra sem búa úti á landi. Hér fyrir ofan má sjá allt um málið í frétt Vísis en Sigurður Ingi Jóhannsson samgönguráðherra kynnti verkefnið í beinni útsendingu á Facebook. Í athugasemdum lýsa margir yfir ánægju með tiltækið svo sem Þórunn Egilsdóttir þingmaður Framsóknar sem segir: Loksins. Vanhugsað kjördæmapot fyrir einfalda Smári er þingmaður Suðurlands. Eru þeir þingmenn sem vilja hafa gott veður í héraði ekki nauðbeygðir til að þykjast styðja verkefni sem þessi? Landsbyggðarþingmennirnir. Við sjáum það til að mynda á afstöðu VG í sjókvíaeldismálum; flokkurinn gefur sig út fyrir að vera umhverfisverndarsinnaður en þegir þunnu hljóði í því máli af því að það þjonar ekki hagsmunum flokksins að teknu tilliti til kosningafyrirkomulagsins, að rugga þeim báti? „Ég er landsbyggðarþingmaður. Ég fæ svo sem reglulega á mig gusur af gagnrýni fyrir að spila ekki þessa hefðbundnu kjördæmapotsleiki. En staðreyndin er að mikið af kjördæmapoti er dót sem lítur vel út í ofureinfölduðum greinum í fjölmiðlum en það byggir oft á tíðum á rosalega grunnu hagsmunamati. Hvort er betra fyrir Vestmannaeyjar, að flugsamgöngur alls staðar á landinu séu ódýrar og skilvirkar, þar með talið til Eyja, eða að hver og einn Eyjamaður fái að nafninu til 40 prósenta afslátt af fimm flugferðum á ári þótt ekkert flugfélag geti látið það standa undir kostnaði að reka áætlunarflug þangað?“ spyr Smári og telur að ekki þurfi neinna stjarneðlisfræðinga til að sjá í hendi sér svar við þeirri spurningu. Hagsmunir heildarinnar eru hagsmunir landsbyggðarinnar „Ég nálgast öll mál út frá því að reyna að sjá hvað er best fyrir heildina, hvað virkar almennast, en mitt landsbyggðarsjónarmið er að ég þekki aðstæðurnar og er kunnugur staðháttum, og er því ekki blindur á vandamálin sem eru til staðar í héraði.“ Og þá varðandi hagsmuni heildarinnar og raunverulega hagsmuni heima í héraði. Væri ekki nær að efla samgöngur með öðrum hætti að ýta landsbyggðarfólki til höfuðborgarsvæðisins; til að efla þar starfsemi fremur en að styrkja landsbyggðafólk til að koma í Kringluna? „Það væri ein pæling. Þetta snýst minna um Kringluna og meira um að fólk komist til læknis. En miðstýringarblæti íhaldsflokkanna er orðið frekar þreytt.“
Byggðamál Fréttir af flugi Samgöngur Alþingi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Tíu sektaðir vegna notkunar nagladekkja Innlent Spaðar Rauðu myllunnar hrundu til jarðar í nótt Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Skipulögðu árásir í Þýskalandi og víðar í nafni ISKP Erlent Sánchez íhugar að segja af sér vegna meintrar spillingar Erlent „Dapurlegt“ að andstæðingar bólusetninga hafi svo mikil áhrif Innlent Ætlaði að koma upp um barnaníðing en lenti í klóm hans Innlent Ræða mest málefni íslenskunnar á fundum enskumælandi ráðs Innlent Fleiri fréttir Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Kínversk ferðaskrifstofa mátti sín lítils gegn TM Komu litlum fiskibáti til bjargar Þyrlan í loftið vegna slasaðs vélsleðamanns Ætlaði að koma upp um barnaníðing en lenti í klóm hans Alvarlegt umferðarslys í Eyjafirði Segir lág laun leikskólakennara mýtu Alltof mörg börn misstu af bólusetningu við mislingum Leyfisveitingin ekki brot á EES-samningnum Með 19 þúsund MDMA-töflur í ferðatöskunni Hafi líka reynt að bana eldri syni sínum Steinunn Ólína segir landráðamál í uppsiglingu Stofnaði lífi átta manna í hættu „í ábataskyni og á ófyrirleitinn hátt“ Fleiri löggur á leiðinni Seðlabankinn geti ekki annað en lækkað vexti Krefja Seðlabankann um vaxtalækkun Eldur í gámi við Sundabakka Sjá meira