Þyrla Landhelgisgæslunnar var kölluð út á tólfta tímanum í gærkvöldi vegna veikinda ungs barns sem var uppi á hálendi í Hrunamannahreppi. Þyrlan hélt af stað rétt fyrir miðnætti og sótti barnið og var komin til Reykjavíkur rétt eftir klukkan eitt í nótt. Þetta staðfestir Ásgeir Erlendsson, upplýsingafulltrúi Landhelgisgæslunnar í samtali við fréttastofu.

Þyrlan lenti á Reykjavíkurflugvelli þar sem sjúkrabíll mætti henni sem flutti barnið á Barnaspítala Hringsins. Ekki liggur fyrir hvers kyns veikindin voru.