Annar drengjanna sem bjargað var úr Hafnarfjarðarhöfn kominn heim

Sylvía Hall skrifar 7. febrúar 2020 17:35

Tveir drengir voru fluttur á gjörgæsludeild eftir slysið. Annar þeirra var í kjölfarið fluttur á Barnaspítala Hringsins og hefur hann nú verið útskrifaður. Vísir/Vilhelm

Annar drengjanna sem fluttir voru á gjörgæsludeild eftir að bíll fór í Hafnarfjarðarhöfn er kominn heim til sín. Þrír voru í bílnum sem fór fram af Óseyrarbryggju í Hafnarfirði föstudagskvöldið 17. janúar.

Þetta staðfestir Rósa Kristjánsdóttir, deildarstjóri sálgæslu djákna og presta á Landspítalanum, í samtali við Fréttablaðið.

Einn drengjanna var á grunnskólaaldri og tveir á framhaldsskólaaldri. Einn komst af sjálfsdáðum úr bílnum en hinum tveimur var bjargað af köfurum sem voru kallaðir á vettvang.

Sá sem komst sjálfur út úr bílnum var útskrifaður af Landspítalanum sömu helgi og slysið varð en hinir tveir lagðir inn á gjörgæsludeild Landspítalans. Sá sem er kominn heim var svo fluttur á Barnaspítala Hringsins viku seinna.

Rósa Kristjánsdóttir segir foreldra piltanna gríðarlega þakkláta fyrir þá samkennd og þann stuðning sem samfélagið hefur sýnt fjölskyldum þeirra á þessum erfiðu tímum.

Hafnarfjörður Lögreglumál Piltum bjargað úr Hafnarfjarðarhöfn

Tengdar fréttir

Hafnarfjarðarkirkja þéttsetin eftir slysið

Hafnarfjarðarkirkja var þéttsetin nú undir kvöld þegar fram fór bænastund vegna drengjanna þriggja, sem slösuðust þegar bíll þeirra fór út af í Hafnafjarðarhöfn í gærkvöld. Tveir drengjanna liggja á gjörgæslu og er ástand þeirra sagt alvarlegt.

18. janúar 2020 19:15

Annar piltanna sem bjargað var úr Hafnarfjarðarhöfn fluttur af gjörgæslu

Þrír voru í jepplingi sem fór fram af Óseyrarbryggju í Hafnarfirði föstudagskvöldið 17. janúar síðastliðinn.

25. janúar 2020 10:18

Tveir piltanna sem lentu í sjónum sagðir í alvarlegu ástandi

Líðan þriðja piltins er sögð eftir atvikum. Piltarnir þrír voru í jeppling sem fór fram af Óseyrarbryggju og hafnaði í sjónum.

18. janúar 2020 10:27

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.