Innlent

Jörð skalf við Grinda­vík í morgun

Sylvía Hall skrifar
Um fjörutíu eftirskjálftar hafa mælst á svæðinu.
Um fjörutíu eftirskjálftar hafa mælst á svæðinu. Vísir/Vilhelm

Rétt fyrir klukkan sex í morgun varð skjálfti af stærðinni 4,1 um fjóra kílómetra norður af Grindavík. Tveimur mínútum áður mældist skjálfti af stærðinni 3,2 á sama svæði, eða um 3,6 kílómetra norður af Grindavík.

Skjálftarnir fundust báðir í Grindavík og Reykjanesbæ að því er fram kemur í athugasemdum jarðvísindamanns hjá Veðurstofu Íslands.

Enn mælast minni skjálftar á svæðinu og eru líkur á að fleiri stærri skjálftar fylgi í kjölfarið. Um 40 eftirskjálftar hafa mælst á svæðinu hingað til.

Skjálftavirknin hefur verið viðvarandi á svæðinu í kringum Grindavík eftir að landris hófst á Reykjanesskaganum í janúar og var lýst yfir óvissustigi Almannavarna vegna þess.

Síðasti skjálfti sem fór yfir 3 að stærð varð þann 9. júlí þegar skjálfti af stærðinni 3,3 mældist norðaustur af Grindavík.

Eldgos og jarðhræringar Jarðhræringar á Reykjanesi

Tengdar fréttir

Jarðskjálfti við Grindavík að stærð 3,3

Jarðskjálfti að stærð 3,3 mældist klukkan korter yfir fjögur síðdegis um 3,5 kílómetra norðaustan við Grindavík. Fjöldi eftirskjálfta fylgdi í kjölfarið.

Jarðskjálfti af stærðinni 3,5 við Grindavík

Jarðskjálfti af stærðinni 3,5 varð á níunda tímanum í kvöld um 3,7 kílómetrum norður af Grindavík. Mælingar benda til þess að landris sé hafið við fjallið Þorbjörn að nýju.

Um 700 jarðskjálftar við Þorbjörn frá því í síðustu viku

Vísindaráð almannavarna ætla að funda til að meta stöðuna eftir að vísbendingar komu fram um að landris sé hafið á ný við fjallið Þorbjörn við Grindavík. Um 700 jarðskjálftar hafa í nágrenni bæjarins undanfarna viku, flestir þeirra smáskjálftar.

Mest lesið


Fleiri fréttir

Sjá meira


×

Mest lesið