Innlent

Lögregla eltist við trampólín í rokinu

Kristín Ólafsdóttir skrifar
Hvasst hefur verið á höfuðborgarsvæðinu í nótt og í morgun.
Hvasst hefur verið á höfuðborgarsvæðinu í nótt og í morgun. Vísir/Vilhelm

Lögreglumenn á höfuðborgarsvæðinu og Suðurnesjum hafa ítrekað verið kallaðir út vegna foktjóns í nótt og í morgun. Í báðum umdæmum hafa trampólín verið á ferð og flugi og valdið skemmdum.

Í tilkynningu frá lögreglu á Suðurnesjum segir að tvö trampólín hið minnsta hafi hafnað á bifreiðum í rokinu og valdið tjóni. Þá hafa kollegar þeirra á höfuðborgarsvæðinu einnig þurft að eiga við þakplötur sem fokið hafa af húsum.

Mjög hvasst hefur verið á suður- og vesturhluta landsins í nótt og í morgun en öllu lygnara fyrir austan. Gular viðvaranir eru í gildi vegna hvassrar norðaustanáttar á Vestfjörðum og Breiðafirði.

Um önnur verkefni lögreglu í nótt segir í tilkynningum að lögregla á höfuðborgarsvæðinu hafi þurft að sinna fjölmörgum hávaðakvörtunum. Þá hafa nokkrir ökumenn á Suðurnesjum verið kærðir fyrir of hraðan akstur. Nokkur umferðaróhöpp hafi jafnframt orðið í umdæminu en engin alvarleg slys á fólki.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.