Lífið

Gullmedalía í stærstu gin blindsmökkun heims

Stefán Árni Pálsson skrifar
Arnar setti ginið kom á markað í mars.
Arnar setti ginið kom á markað í mars.

Íslenska ginið Ólafsson gin fékk gullmedalíu í stærstu gin-blindsmökkun áfengisgeirans sem sagt er frá í nýjasta tölublaði fagmiðilsins Spirits Business. Dómararnir dreyptu á um tvö hundruð gintegundum í nokkrum flokkum í smökkun þessa árs.

Ólafsson er í Super Premium flokknum og var eitt af fimm ginum sem fengu gullmedalíu í þeim flokki.

„Þetta gefur okkur góðan byr í seglin og eykur möguleika okkar á að koma Ólafsson til hafnar hjá fleiri söluaðilum í útlöndum,“ segir Arnar Jón Agnarsson, framkvæmdastjóri Eyland Spirits framleiðanda ginsins.

Ólafsson er afrakstur langrar þróunarvinnu sem Arnar hefur leitt i samvinnu við vellauðuga bandaríska fjárfesta og Sigurjón Sighvatsson kvikmyndaframleiðanda.

Arnar er fyrrum atvinnumaður í handbolta en Bandríkjamönnunum kynntist hann í gegnum starf sem laxveiðileiðsögumaður.

„Þetta eru menn sem hafa tekið ástfóstri við náttúru Íslands og hafa mikla trú á að sú tenging hjálpi okkur við að koma Ólafsson á framfæri á heimsvísu,“ segir Arnar og útskýrir að ginið sé nefnt í höfuðið á skáldinu og náttúrufræðingnum Eggerti Ólafssyni sem bar ljós upplýsingarinnar inn í íslenska torfakofa á 18. öldinni.

Íslenskar jurtir eru í stóru hlutverki og að sjálfsögðu íslenska vatnið líka sem Arnar segir að sé svo algjört lykilatriði. „Með því háa sýrustigi sem er í vatninu okkar næst fram einstök mýkt í ginið.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.