Innlent

Alls greiddu 89 manns í sóttkví at­kvæði í Hlíðar­smára

Atli Ísleifsson skrifar
Mikill fjöldi fólks er nú í sóttkví vegna kórónuveirusmits sem kom upp í vikunni.
Mikill fjöldi fólks er nú í sóttkví vegna kórónuveirusmits sem kom upp í vikunni. Vísir/Einar

Alls greiddu 89 manns sem voru í sóttkví atkvæði í Hlíðarsmára í Kópavogi nú síðdegis.

Þetta staðfestir Bergþóra Sigmundsdóttir, kjörstjóri hjá embætti sýslumanns, í samtali við Vísi.

Aðstaða fyrir fólk í sóttkví var opnuð fyrir utan húsnæði sýslumanns, á bílaplani sunnan megin við húsið. Var kjörstaðurinn opinn milli klukkan 15 og 18:30.

Atkvæðagreiðslan var með þeim hætti að kjósandi kom einn í bifreið sinni og keyrði inn í tjald sem var á staðnum. Þar skrifaði kjós­andi nafn þess sem hann vill kjósa og gerði þannig kjör­stjóra grein fyr­ir hvern hann vill kjósa.

Í tilkynningu frá dómsmálaráðuneytinu sagði að óheimilt væri vegna sóttvarna að opna hurð eða glugga á bílnum eða fara út úr honum.

Mikill fjöldi fólks er nú í sóttkví vegna kórónuveirusmits sem kom upp í vikunni. Viðkomandi hafði fengið neikvæða niðurstöðu úr skimun við landamærin.

Mbl hafði eftir dómsmálaráðherra fyrr í dag að alls þeir eru í sóttkví og áttu eftir að greiða atkvæði verið 196 talsins.

Vísir/Einar
Vísir/Einar


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.