Ólíklegt að Bandaríkin teljist til öruggra landa Sunna Sæmundsdóttir skrifar 24. júní 2020 19:05 Áslaug Arna Sigurbjörnsdóttir dómsmálaráðherra Ólíklegt er að Bandaríkjamenn fái að koma til Íslands þegar ytri landamæri Schengen verða opnuð um mánaðarmótin að sögn dómsmálaráðherra. Sóttvarnarlæknir telur áhyggjuefni að hleypa bandarískum ferðamönnum til landsins. „Við vitum að útbreiðslan er hvað mest í Bandaríkjunum, og hún er mikil í Brasilíu og á Indlandi, þannig ég held að við þurfum að vera mjög varkár. Ég myndi vera mjög áhyggjufullur yfir því ef við færum að opna á það," segir Þórólfur Guðnason, sóttvarnarlæknir. Bandaríkjamenn hafa almennt ekki mátt ferðast til landa innan Schengen-svæðisins og nú virðist ekki útlit fyrir að það breytist þann 1. júlí þegar ytri landamæri Schengen verða opnuð að hluta. Í umfjöllun New York Times í dag segir að Bandaríkin, Rússland og Brasilía séu ekki á drögum að lista yfir svokölluð örugg ríki sem opnað verður á. Dómsmálaráðherra segir listann í vinnslu, þetta sé þó líkleg niðurstaða. „Það er auðvitað líklegt miðað við fjölda smita þar núna og þróunina sem er í landinu," segir Áslaug Arna Sigurbjörnsdóttir, dómsmálaráðherra. Sóttvarnarlæknir segir óljóst hvað þyrfti að breytast til að hann teldi öruggt að taka á móti bandarískum ferðamönnum. „Það eru margar þjóðir að reyna finna einhverja formúlu til að meta áhættuna á því að ferðamenn geti borið með sér veiruna frá ýmsum svæðum. Það eru mjög breytilegar forsendur sem menn eru að nota og ég get ekki séð að það sé mikið vit í þvi," segir Þórólfur. Þórólfur Guðnason, sóttvarnalæknir.Vísir/Vilhelm Ekki útilokað að ganga lengra en önnur lönd Á upplýsingafundi almannavarna í dag kom fram að einungis tvö svokölluð virk smit hafa greinst í landamæraeftirliti á síðustu viku. Önnur hafa verið eldri smit þar sem einstaklingur er ekki lengur smitandi. Talið er líklegt að skimun verði að minnsta kosti haldið áfram til júlíloka. Dómsmálaráðherra hefur viðrað hugmyndir um að Ísland gangi lengra en önnur Schengen-ríki, sinni brottfarareftirliti hér á landi og hleypi þá til að mynda Bandaríkjamönnum til landsins Ríki innan Schengen hafa tekið illa í slíkar hugmyndir. Áslaug segir leiðina ekki útilokaða þrátt fyrir neikvæð viðbrögð. „Við þurfum alltaf að meta hagsmuni okkar í hvert sinn og við munum áfram gera það. Við höfum verið að fara þá leið að skima alla og erum þá ekki að gera upp á milli landa innan Schengen eins og mörg ríki eru að gera. Þannig við þurfum bara að gera þetta á okkar forsendum," segir Áslaug. Mikilvæg forsenda sé þó að Íslendingum verði jafnframt leyft að koma til Bandaríkjanna. „Gagnkvæmnin er ekki síður mikilvæg. En við höfum ekki fengið neinar vísbendingar frá Bandaríkjunum um hvað þau hyggjast gera og hver næstu skref verða þar," segir Áslaug. Bogi Nils Bogason, forstjóri Icelandair.Vísir/vilhelm Icelandair breytir Bandaríkjaflugi Icelandair hefur þurft að breyta flugáætlun sinni nú þegar útlit er fyrir að ekki sé von á bandarískum ferðamönnum. „Um miðjan júní vorum við með áætlun um að auka Bandaríkjaflugið talsvert frá 1. júlí en höfum nú dregið aftur úr því," segir Bogi Nils Bogason, forstjóri Icelandair. Félagið ætlaði að fljúga til sex áfangastaða í Bandaríkjunum. Nú verður einungis áfram flogið til Boston en Seattle þó bætt við. Hann segir það hafa verið viðbúið að breyta þyrfti áætlunum. „Þetta er ekki högg frá því sem við vorum að horfa á í vor. Við gerðum alltaf ráð fyrir að þurfa vinna þetta mjög dýnamískt. Tengiflugið hefur verið mjög mikilvægt fyrir okkar kerfi. Við áætlum að til lengri tíma taki þetta við sér. En við höfum gert ráð fyrir í okkar endurskipulagningu að þetta geti verið svona í einhvern tíma," segir Bogi. Faraldur kórónuveiru (COVID-19) Ferðamennska á Íslandi Mest lesið „Ekki bara rekinn heldur á staðnum og fyrirvaralaust“ Innlent „Vona að þú sofir vel“ Innlent Kári var harðákveðinn að hætta ekki sem forstjóri Innlent Í leyfi frá þingstörfum og flytur til New York Innlent Kári hættur hjá Íslenskri erfðagreiningu Innlent „Ég meina, hann er að missa fyrirtækið sitt“ Innlent Tifandi tímasprengjan sem grunuð er um frelsissviptingu Innlent Lokunin óásættanleg og muni leiða til verðhækkana fyrir íbúa Innlent „Við gerum ekki svona við börn“ Innlent Buðu mótherjum Björgólfs fyrst þjónustu sína Innlent Fleiri fréttir Búið að innsigla Kastrup: „Góður að taka á móti fólki en ömurlegur í tölvupóstum“ Tifandi tímasprengjan sem grunuð er um frelsissviptingu „Ekki bara rekinn heldur á staðnum og fyrirvaralaust“ „Vona að þú sofir vel“ Eldur í ruslabíl vestur í bæ Buðu mótherjum Björgólfs fyrst þjónustu sína Mannréttindadómstóllinn blandar sér í Vatnsendamálið „Mér finnst þetta ómöguleg framkoma“ Í leyfi frá þingstörfum og flytur til New York Óljóst hvers vegna ferðamanni var haldið í gíslingu Borgarstjóri sé brennuvargur en Framsókn í slökkviliðinu „Ég meina, hann er að missa fyrirtækið sitt“ Sindri og Védís Hervör til Kópavogsbæjar Bókhaldstækni og aukin skattheimta skýri afganginn Tæplega tíu milljarða viðsnúningur Kári var harðákveðinn að hætta ekki sem forstjóri Stuðningsmenn Oscars mótmæltu og Kári Stefáns hættur Bein útsending: Kynna ársreikning Reykjavíkurborgar „Við gerum ekki svona við börn“ Mótmælt við ríkisstjórnarfund: „Oscar á heima hér“ Kári hættur hjá Íslenskri erfðagreiningu Lokunin óásættanleg og muni leiða til verðhækkana fyrir íbúa Líkamsárásir og brotist inn í raftækjaverslun Grunaður um að hafa frelsissvipt ferðamann í nokkrar klukkustundir Hikar ekki við að lögsækja skyldi Rafmennt nota nafn skólans Myndaveisla: Lúðrasveit, fánar og gríðarstór stytta á Verkalýðsdaginn Kalla eftir mannúð og miskunnsemi stjórnvalda gagnvart börnum Fulllestað og veikt flutningskerfi raforku Þekkir ofbeldið sem konur í karllægum störfum verða fyrir Vilja móta samfélagið í þágu vinnandi fólks Sjá meira
Ólíklegt er að Bandaríkjamenn fái að koma til Íslands þegar ytri landamæri Schengen verða opnuð um mánaðarmótin að sögn dómsmálaráðherra. Sóttvarnarlæknir telur áhyggjuefni að hleypa bandarískum ferðamönnum til landsins. „Við vitum að útbreiðslan er hvað mest í Bandaríkjunum, og hún er mikil í Brasilíu og á Indlandi, þannig ég held að við þurfum að vera mjög varkár. Ég myndi vera mjög áhyggjufullur yfir því ef við færum að opna á það," segir Þórólfur Guðnason, sóttvarnarlæknir. Bandaríkjamenn hafa almennt ekki mátt ferðast til landa innan Schengen-svæðisins og nú virðist ekki útlit fyrir að það breytist þann 1. júlí þegar ytri landamæri Schengen verða opnuð að hluta. Í umfjöllun New York Times í dag segir að Bandaríkin, Rússland og Brasilía séu ekki á drögum að lista yfir svokölluð örugg ríki sem opnað verður á. Dómsmálaráðherra segir listann í vinnslu, þetta sé þó líkleg niðurstaða. „Það er auðvitað líklegt miðað við fjölda smita þar núna og þróunina sem er í landinu," segir Áslaug Arna Sigurbjörnsdóttir, dómsmálaráðherra. Sóttvarnarlæknir segir óljóst hvað þyrfti að breytast til að hann teldi öruggt að taka á móti bandarískum ferðamönnum. „Það eru margar þjóðir að reyna finna einhverja formúlu til að meta áhættuna á því að ferðamenn geti borið með sér veiruna frá ýmsum svæðum. Það eru mjög breytilegar forsendur sem menn eru að nota og ég get ekki séð að það sé mikið vit í þvi," segir Þórólfur. Þórólfur Guðnason, sóttvarnalæknir.Vísir/Vilhelm Ekki útilokað að ganga lengra en önnur lönd Á upplýsingafundi almannavarna í dag kom fram að einungis tvö svokölluð virk smit hafa greinst í landamæraeftirliti á síðustu viku. Önnur hafa verið eldri smit þar sem einstaklingur er ekki lengur smitandi. Talið er líklegt að skimun verði að minnsta kosti haldið áfram til júlíloka. Dómsmálaráðherra hefur viðrað hugmyndir um að Ísland gangi lengra en önnur Schengen-ríki, sinni brottfarareftirliti hér á landi og hleypi þá til að mynda Bandaríkjamönnum til landsins Ríki innan Schengen hafa tekið illa í slíkar hugmyndir. Áslaug segir leiðina ekki útilokaða þrátt fyrir neikvæð viðbrögð. „Við þurfum alltaf að meta hagsmuni okkar í hvert sinn og við munum áfram gera það. Við höfum verið að fara þá leið að skima alla og erum þá ekki að gera upp á milli landa innan Schengen eins og mörg ríki eru að gera. Þannig við þurfum bara að gera þetta á okkar forsendum," segir Áslaug. Mikilvæg forsenda sé þó að Íslendingum verði jafnframt leyft að koma til Bandaríkjanna. „Gagnkvæmnin er ekki síður mikilvæg. En við höfum ekki fengið neinar vísbendingar frá Bandaríkjunum um hvað þau hyggjast gera og hver næstu skref verða þar," segir Áslaug. Bogi Nils Bogason, forstjóri Icelandair.Vísir/vilhelm Icelandair breytir Bandaríkjaflugi Icelandair hefur þurft að breyta flugáætlun sinni nú þegar útlit er fyrir að ekki sé von á bandarískum ferðamönnum. „Um miðjan júní vorum við með áætlun um að auka Bandaríkjaflugið talsvert frá 1. júlí en höfum nú dregið aftur úr því," segir Bogi Nils Bogason, forstjóri Icelandair. Félagið ætlaði að fljúga til sex áfangastaða í Bandaríkjunum. Nú verður einungis áfram flogið til Boston en Seattle þó bætt við. Hann segir það hafa verið viðbúið að breyta þyrfti áætlunum. „Þetta er ekki högg frá því sem við vorum að horfa á í vor. Við gerðum alltaf ráð fyrir að þurfa vinna þetta mjög dýnamískt. Tengiflugið hefur verið mjög mikilvægt fyrir okkar kerfi. Við áætlum að til lengri tíma taki þetta við sér. En við höfum gert ráð fyrir í okkar endurskipulagningu að þetta geti verið svona í einhvern tíma," segir Bogi.
Faraldur kórónuveiru (COVID-19) Ferðamennska á Íslandi Mest lesið „Ekki bara rekinn heldur á staðnum og fyrirvaralaust“ Innlent „Vona að þú sofir vel“ Innlent Kári var harðákveðinn að hætta ekki sem forstjóri Innlent Í leyfi frá þingstörfum og flytur til New York Innlent Kári hættur hjá Íslenskri erfðagreiningu Innlent „Ég meina, hann er að missa fyrirtækið sitt“ Innlent Tifandi tímasprengjan sem grunuð er um frelsissviptingu Innlent Lokunin óásættanleg og muni leiða til verðhækkana fyrir íbúa Innlent „Við gerum ekki svona við börn“ Innlent Buðu mótherjum Björgólfs fyrst þjónustu sína Innlent Fleiri fréttir Búið að innsigla Kastrup: „Góður að taka á móti fólki en ömurlegur í tölvupóstum“ Tifandi tímasprengjan sem grunuð er um frelsissviptingu „Ekki bara rekinn heldur á staðnum og fyrirvaralaust“ „Vona að þú sofir vel“ Eldur í ruslabíl vestur í bæ Buðu mótherjum Björgólfs fyrst þjónustu sína Mannréttindadómstóllinn blandar sér í Vatnsendamálið „Mér finnst þetta ómöguleg framkoma“ Í leyfi frá þingstörfum og flytur til New York Óljóst hvers vegna ferðamanni var haldið í gíslingu Borgarstjóri sé brennuvargur en Framsókn í slökkviliðinu „Ég meina, hann er að missa fyrirtækið sitt“ Sindri og Védís Hervör til Kópavogsbæjar Bókhaldstækni og aukin skattheimta skýri afganginn Tæplega tíu milljarða viðsnúningur Kári var harðákveðinn að hætta ekki sem forstjóri Stuðningsmenn Oscars mótmæltu og Kári Stefáns hættur Bein útsending: Kynna ársreikning Reykjavíkurborgar „Við gerum ekki svona við börn“ Mótmælt við ríkisstjórnarfund: „Oscar á heima hér“ Kári hættur hjá Íslenskri erfðagreiningu Lokunin óásættanleg og muni leiða til verðhækkana fyrir íbúa Líkamsárásir og brotist inn í raftækjaverslun Grunaður um að hafa frelsissvipt ferðamann í nokkrar klukkustundir Hikar ekki við að lögsækja skyldi Rafmennt nota nafn skólans Myndaveisla: Lúðrasveit, fánar og gríðarstór stytta á Verkalýðsdaginn Kalla eftir mannúð og miskunnsemi stjórnvalda gagnvart börnum Fulllestað og veikt flutningskerfi raforku Þekkir ofbeldið sem konur í karllægum störfum verða fyrir Vilja móta samfélagið í þágu vinnandi fólks Sjá meira