Innlent

Lögregla búin að finna tvo þeirra Rúmena sem lýst var eftir

Nadine Guðrún Yaghi skrifar
Víðir Reynisson yfirlögregluþjónn.
Víðir Reynisson yfirlögregluþjónn. Vísir/Vilhelm

Lögregla er búin að finna tvo af þeim þremur Rúmenum sem lýst var eftir í gær vegna gruns um að þeir séu smitaðir af kórónuveirunni. Sá þriðji er enn ófundinn.

Þetta staðfestir Víðir Reynisson í samtali við fréttastofu. Mennirnir komu til landsins fyrir fimm dögum í sex manna hópi og hafa myndir af þeim úr eftirlitsvélum á flugvellinum í Keflavík verið birtar í fjölmiðlum.

Víðir segir að lögreglu hafi tekist að hafa hendur í hári mannanna eftir ábendingar frá almenningi og hafi þeir verið á sitt hvoru hótelinu. Mennirnir komu til landsins síðastliðinn þriðjudag með flugi frá London. 

Hinir þrír úr hópnum voru handteknir á föstudag vegna gruns um þjófnað úr verslunum á Selfossi. Við rannsókn málsins kom í ljós að þeir áttu að vera í sóttkví og reyndust tveir þeirra með virk Covid-19 smit. Víðir segir mennina sem nú hafði náðst hafi verið einkennalausir en að þeir hafi verið sendir í sýnatöku.

Mennirnir þrír, sem handteknir voru á föstudag,  eru enn í haldi lögreglu og vistaðir hjá lögreglunni á Suðurlandi en þeir verða í dag færðir í farsóttarhúsið á Rauðarárstíg þar sem þeir verða látnir sæta einangrun undir eftirliti lögreglu.

Sextán lögreglumenn eru í sóttkví vegna málsins, þar af ellefu hjá lögreglunni á Suðurlandi.


Tengdar fréttir

Þetta eru mennirnir sem lögreglan lýsir eftir

Lögreglan á höfuðborgarsvæðinu birti rétt í þessu Facebook-færslu þar sem birtar eru myndir af tveimur þeirra þriggja manna sem lýst er eftir vegna gruns um að þeir séu smitaðir af kórónuveirunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.