Innlent

Grunaður um að hafa orðið móður sinni að bana

Nadine Guðrún Yaghi skrifar
Úr gæsluvarðhaldsfangelsinu á Hólmsheiði.
Úr gæsluvarðhaldsfangelsinu á Hólmsheiði. Vísir/Vilhelm

Karlmaður um þrítugt var í gærkvöldi útskurðaður í ellefu daga gæsluvarðhald vegna gruns um að hafa orðið móður sinni að bana. Banameinið er talið vera hnífstunga. 

Maðurinn var leiddur fyrir dómara í Héraðsdómi Reykjaness um kvöldmatarleytið í gær og var úrskurðaður í gæsluvarðhald á grundvelli rannsóknarhagsmuna. Lögreglu barst tilkynning um klukkan hálf tvö aðfaranótt mánudags og fannst konan, sem var um sextugt, látin á heimili sínu í Hafnarfirði þegar lögregla kom á staðinn. 

Maðurinn, sem er sonur konunnar, var handtekinn ásamt öðrum manni á sextugsaldri. Þeim manni var sleppt úr haldi í gær og er ekki grunaður um að hafa átt aðild að andlátinu. Heimildir fréttastofu herma að rannsóknin miði að því að banameinið sé hnífstunga. 

Margeir Sveinsson, hjá miðlægri rannsóknardeild lögreglunnar á höfuðborgarsvæðinu, segir að rannsókn málsins sé í fullum gangi. Hann vildi ekki veita frekari upplýsingar um það að svo stöddu. Maðurinn sætir gæsluvarðhaldi til 17. apríl.


Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.