Tony Blair hættir

Tony Blair, fyrrverandi forsætisráðherra Bretlands, mun láta af störfum í næsta mánuði sem sérstakur erindreki hins svokallaða Miðausturlandakvartetts sem Bandaríkin, Rússland, Sameinuðu þjóðirnar og Evrópusambandið mynda.

Blair, sem gegnt hefur starfinu í átta ár, afhenti Ban Ki-Moon, framkvæmdastjóra Sameinuðu þjóðanna, uppsagnarbréf sitt í dag. Hann mun þó áfram starfa á þessum vettvangi, en gegna þar „óformlegu hlutverki,“ að því er fram kemur á vef BBC. Hann muni jafnframt áfram halda áfram að vinna að lausn í tveggja ríkja deilu Ísraels og Palestínu.