Tónlist

Samkoma: Tónleikar með Sturla Atlas

Tinni Sveinsson skrifar
Sturla Atlas kemur fram ásamt hljómborðsleikaranum Baldvini Hlynssyni.
Sturla Atlas kemur fram ásamt hljómborðsleikaranum Baldvini Hlynssyni. Sturla Atlas

Klukkan ellefu heldur tónlistarmaðurinn Sturla Atlas tónleika hér á Vísi.

Tónleikaröðin nefnist Samkoma og verða tónleikarnir allir í beinni útsendingu hér á Vísi klukkan ellefu á morgnana. Það þýðir að tónlistarmennirnir flytja tónlist sína á afslappaðan máta yfir kaffibollanum.

Hægt er að horfa á beinu útsendinguna hér fyrir neðan en einnig á Facebook-síðu Vísis og á sjónvarpsstöðinni Stöð 2 Vísir á kerfum Vodafone og Símans.

Klippa: Samkoma - Sturla Atlas

Vísir hefur fengið leikstjórann Ágúst Bent til liðs við sig til að halda utan um tónleikana og er framleiðslan í höndum Skjáskots. Á mánudag mætir Krummi Björgvinsson til leiks.

Ellen Kristjáns hélt afar vel heppnaða tónleika á miðvikudag ásamt Þorsteini Einarssyni og Gauki Davíðssyni. Hægt er að horfa á þá hér á Vísi. Þá kom Teitur Magnússon í gær og flutti lög sín á töfrandi máta. Hægt er að horfa á hann hér á Vísi.

Tónlistarmaðurinn Sturla Atlas hefur verið áberandi í íslensku tónlistarlífi frá því hann gaf út plötuna Love Hurts árið 2015. Hann hefur einnig gefið út plöturnar These Days, SEA­SON2 og 101 Nig­hts. Fyrir skemmstu kom síðan út fyrsta plata hans á íslensku, Paranoia.

Í tónleikaröðinni Samkoma mæta þekktir íslenskir tónlistarmenn og flytja tónlist sína á afslappaðan máta yfir morgunbollanum. Tónleikarnir eru unnir í samstarfi við Mennta- og menningarmálaráðuneytið og Kjarvalsstofu.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.