Tónlist

Samkoma: Ellen Kristjáns syngur sínar helstu perlur

Tinni Sveinsson skrifar
Ellen Kristjánsdóttir er önnur á svið í tónleikaröðinni Samkomu.
Ellen Kristjánsdóttir er önnur á svið í tónleikaröðinni Samkomu. Vísir

Klukkan ellefu hélt söngkonan Ellen Kristjánsdóttir tónleika hér á Vísi.

Tónleikarnir eru hluti af tónleikaröðinni Samkoma sem er í beinni útsendingu hér á Vísi klukkan ellefu á morgnana. Það þýðir að tónlistarmennirnir flytja tónlist sína á afslappaðan máta yfir kaffibollanum.

Klippa: Samkoma - Ellen Kristjánsdóttir

Vísir hefur fengið leikstjórann Ágúst Bent til liðs við sig til að halda utan um tónleikana og er framleiðslan í höndum Skjáskots. 

Ellen Kristjánsdóttir er ein ástsælasta söngkona Íslands. Hún hefur í fjölda ára starfað með mörgum af vinsælustu hljómsveitum landsins ásamt því að gefa út eigið efni. Með Ellen koma fram Þorsteinn Einarsson og Gaukur Davíðsson.

Þau flytja nokkrar af helstu lagaperlunum sem Ellen er þekkt fyrir auk annarra laga. Einnig syngur Þorsteinn Vegbúann eftir KK og Leiðin okkar allra með Hjálmum.

Í tónleikaröðinni Samkoma mæta þekktir íslenskir tónlistarmenn og flytja tónlist sína á afslappaðan máta yfir morgunbollanum. Tónleikarnir eru unnir í samstarfi við Mennta- og menningarmálaráðuneytið og Kjarvalsstofu.






Fleiri fréttir

Sjá meira


×