Framkvæmdastjóri hættir

Karl Th. Birgisson, framkvæmdastjóri Samfylkingarinnar, hefur sagt upp störfum. "Þetta hefur átt sér alllangan aðdraganda. Ég ætla að láta gamlan draum rætast" segir Karl en vill ekki skýra nánar frá hvað hann taki sér fyrir hendur. Karli voru þökkuð vel unnin störf á framkvæmdastjórnarfundi Samfylkingarinnar í gær. Karl hefur verið framkvæmdastjóri frá því sumarið 2002. "Ég hef verið tvö og hálft ár. Það er svona meðalendingartími á framkvæmdastjóra." Nýr framkvæmdastjóri hefur ekki verið ráðinn í stað Karls.