Vill að Alþingi beiti sér í málum Asera og Armena

Zakir Jón Gasanov, formaður Vináttufélags Íslands og Aserbaídsjan, hvetur Alþingi Íslendinga til þess að beita sér til þess að lausn fáist í deilum Asera við nágranna þeirra Armena.

„Ég vil vekja athygli Alþingis Íslendinga á að mitt gamla land, Aserbaídsjan, á í þessum erjum við sína nágranna, Armena. Alþingi Íslendinga getur hjálpað til og beitt sér svo friður geti komist á í þessum heimshluta, með því að sýna frumkvæði og styrk sinn, eins og það gerði í málefnum Eystrasaltsríkjanna Lettlands, Eistlands og Litháen á sínum tíma," segir hann í aðsendri grein í Fréttablaðinu í dag.

Zakír Jón bendir á að nýlega hafi sland beitt sér í málefnum Palestínu með því að viðurkenna tilvist ríkisins, fyrst allra ríkja í heiminum. Það sé borin virðing fyrir Íslendingum á alþjóðavettvangi fyrir að sýna djörfung og dug í svona málum.