Tilboði Everton í framherja Juventus hafnað

Juventus hafnaði 30 milljóna evra tilboði Everton í ítalska landsliðsmanninn Moise Kean.

Nicolo Schira, blaðamaður á La Gazzetta dello Sport, greinir frá þessu.

#Juventus have rejected a #Everton's bid for Moise #Kean: Toffees have offered €30M for young striker. #transfers#EFC

— Nicolò Schira (@NicoSchira) July 8, 2019

Kean, sem er 19 ára, skoraði sex mörk í ítölsku úrvalsdeildinni á síðasta tímabili þrátt fyrir að hafa aðeins spilað 535 mínútur.

Kean hefur skorað tvö mörk í þremur leikjum fyrir ítalska A-landsliðið. Hann hefur einnig leikið fyrir öll yngri landslið Ítalíu.

Everton er í framherjaleit og hefur m.a. verið orðað við Diego Costa, leikmann Atlético Madrid.

Everton endaði í 8. sæti ensku úrvalsdeildarinnar á síðasta tímabili.