Enski boltinn

Tilboði Everton í framherja Juventus hafnað

Ingvi Þór Sæmundsson skrifar
Kean hefur tvisvar sinnum orðið ítalskur meistari með Juventus.
Kean hefur tvisvar sinnum orðið ítalskur meistari með Juventus. vísir/getty
Juventus hafnaði 30 milljóna evra tilboði Everton í ítalska landsliðsmanninn Moise Kean.

Nicolo Schira, blaðamaður á La Gazzetta dello Sport, greinir frá þessu.



Kean, sem er 19 ára, skoraði sex mörk í ítölsku úrvalsdeildinni á síðasta tímabili þrátt fyrir að hafa aðeins spilað 535 mínútur.

Kean hefur skorað tvö mörk í þremur leikjum fyrir ítalska A-landsliðið. Hann hefur einnig leikið fyrir öll yngri landslið Ítalíu.

Everton er í framherjaleit og hefur m.a. verið orðað við Diego Costa, leikmann Atlético Madrid.

Everton endaði í 8. sæti ensku úrvalsdeildarinnar á síðasta tímabili.

Enski boltinn

Tengdar fréttir

Mest lesið


Fleiri fréttir

Sjá meira


×

Mest lesið