TF-LIF leitar úr lofti í Sölvadal

TF-LIF, þyrla Landhelgisgæslunnar, var nú á tólfta tímanum send til leitar í Sölvadal. Unglingspiltur féll í Núpá, sem rennur um dalinn, á miðvikudagskvöld. 

Að því er fram kemur í tilkynningu frá gæslunni tók þyrlan á loft frá Akureyrarflugvelli klukkan 11:16.

Fjögurra manna áhöfn er um borð sem og björgunarsveitarmaður á vegum Slysavarnafélagsins Landsbjargar.

Áhöfn þyrlunnar kannar sömuleiðis aðstæður á svæðinu úr lofti ásamt því að taka þátt í leitinni. TF-LIF hefur verið til taks á Akureyri undanfarinn sólarhring.