Sinubruni á Bíldudal
Snemma morguns síðastliðinn mánudag barst lögreglunni á Vestfjörðum tilkynning um sinubruna á Bíldudal.
Að því er fram kemur í vikuyfirliti um störf lögreglunnar voru slökkvilið og björgunarsveit kölluð út til aðstoðar þar sem um stórt svæði var að ræða og hús voru þar nálægt.
Greiðlega gekk þó að slökkva eldinn en skammhlaup virðist hafa orðið í rafmagnsstaur, innarlega í dalnum, og neist farið í þurra senuna fyrir neðan.
Starfsmenn Orkubús Vestfjarða gerðu viðeigandi ráðstafanir varðandi rafmagnsstaurinn.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
