Innlent

Kristján nýr fram­kvæmda­stjóri EFFAT

Atli Ísleifsson skrifar
Kristján Bragason starfaði sem framkvæmdastjóri Starfsgreinasambandsins í fimm ár.
Kristján Bragason starfaði sem framkvæmdastjóri Starfsgreinasambandsins í fimm ár. SGS

Kristján Bragason var kosinn nýr framkvæmdastjóri EFFAT, samtökum launafólks í matvæla-, ferðaþjónustu og landbúnaði, á þingi samtakanna í gær. EFFAT (e. European Federation of Food, Agcricultue and Tourism Trade Unions) hefur innan sinna vébanda 1,2 milljónir félagsmanna.

Í tilkynningu frá Starfsgreinasambandinu segir að framkvæmdastjórinn sé kosinn í beinni kosningu af þingfulltrúum.

„Það er einkar ánægjulegt fyrir okkur í Starfsgreinasambandinu að Kristján Bragason, sem nú starfar sem framkvæmdastjóri Nordisk Union (NU-HRCT) og var framkvæmdastjóri SGS í fimm ár, var kosinn einróma í þetta mikilvæga starf. Hér er trúlega um eitt æðsta embætti sem Íslendingur hefur verið  kosinn til að gegna innan alþjóðlegrar verkalýðshreyfingar. Kristján er fulltrúi SGS á þinginu og er sambandið afar stolt af því og því trausti sem félaga okkar er sýnt af okkar evrópsku félögum.

Megináherslur þingsins að þessu sinni snúna að starfsumhverfi og launakjörum hótelstarfsmanna og að allir eigi að njóta sömu réttinda á vinnumarkaði,“ segir í tilkynningunni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.