210 þúsund króna sekt fyrir hraðakstur á Sandgerðisvegi
Lögreglan á Suðurnesjum stöðvaði ökumann sem mældist á 149 kílómetra hraða á Sandgerðisvegi fyrir skömmu. Hámarkshraði á veginum er 90 kílómetrar á klukkustund. Ökumanninum var gert að greiða 210 þúsund krónur í sekt auk þess sem hann var sviptur ökuleyfi í einn mánuð.
Umræddur ökumaður ók hraðast þeirra tæplega þrjátíu ökumanna sem lögregla á Suðurnesjum hefur kært fyrir of hraðan akstur undanfarna daga. Annar ökumaður sem einnig var staðinn að hraðakstri var með of marga farþega í bifreiðinni og var því kærður fyrir það brot líka.
Þá voru fáeinir teknir úr umferð vegna gruns um ölvunar- eða fíkniefnaakstur og skráningarnúmer fjarlægð af nokkrum bifreiðum sem voru ótryggðar eða óskoðaðar.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
