Nánast ógerningur að ná mynd af öllum börnunum saman
Kim Kardashian West, raunveruleikastjarna og viðskiptamógúll, birti í dag í fyrsta sinn ljósmynd af öllum börnum hennar og rapparans Kanye West.
Saman eiga þau börnin Psalm sem er þriggja mánaða, Chicago sem er 19 mánaða, Saint sem er þriggja ára og North sem er sex ára.
Hjónin eignuðust Chicago og Psalm með hjálp staðgöngumóður því eftir fæðingu Saints var Kardashian ráðlagt að ganga ekki með fleiri börn.
Raunveruleikastjarnan birti í dag fallega fjölskyldumynd af henni og börnunum á ströndinni á Bahama-eyjum.
Það reyndist þó þrautinni þyngri að ná góðri mynd af öllum en hófst þó að endingu.
„Ég hélt að það væri erfitt að ná góðri mynd með þrjú börn en guð minn góður þetta var næstum ómögulegt,“ skrifar Kardashian undir myndina.
Tengdar fréttir
Nýjasta barn Kanye og Kim komið með nafn
Parið er þekkt fyrir að fara ótroðnar slóðir þegar kemur að nafngiftum barna sinna.
Fjórða barn Kardashian-West hjónanna komið í heiminn
Kim Kardashian og Kanye West hafa tekið á móti sínu fjórða barni sem þau eignuðust með hjálp staðgöngumóður.
Kim Kardashian svarar 73 spurningum
Raunveruleikastjarnan Kim Kardashian mætti tók á dögunum þátt í reglulegum lið á YouTuberás Vogue.
