Innlent

Handtekinn fyrir að lemja í bifreiðar í miðbænum

Margrét Helga Erlingsdóttir skrifar
Lögreglan á höfuðborgarsvæðinu birti yfirlit yfir verkefni næturinnar.
Lögreglan á höfuðborgarsvæðinu birti yfirlit yfir verkefni næturinnar. Vísir/Vilhelm

Ölvaður einstaklingur var laust fyrir hálf þrjú í nótt handtekinn í miðbæ Reykjavíkur fyrir að lemja í nokkrar bifreiðar.

Viðkomandi neitaði að segja til nafns en gistir nú fangaklefa þar til rennur af honum og hægt verður að tala við hann.

Þetta kemur fram í yfirliti frá lögreglunni á höfuðborgarsvæðinu en það tiltölulega rólegt að gera nótt.

Laust fyrir klukkan tíu í gærkvöldi var bifreið stöðvuð á Reykjanesbraut á 185 km/klst. hraða á kafla þar sem hámarkshraði er, miðað við bestu aðstæður, 90 km/klst. Ökumaðurinn var sviptur ökuréttindum til bráðabirgða að lokinni skýrslutöku.

Laust fyrir miðnætti í nótt voru þrír menn handteknir grunaðir um innbrot í bifreið í hverfi 101. Allir þrír voru vistaðir í fangageymslu lögreglu í þágu rannsóknar.

Klukkan 01:43 var lögreglu tilkynnt um líkamsárás sem á að hafa verið framin á skemmtistað í miðbænum. Áverkar virtust við fyrstu sýn vera minniháttar. Ekki er vitað hver árásaraðilinn er.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.