Ágústspá Siggu Kling - Nautið: Nú er tíminn til að skrifa niður og plana

Elsku Nautið mitt, þú ert eins og ólgandi hver, stundum áttu það til að gjósa en getur verið eins og hinn eini sanni Geysir; það heyrist ekki nógu mikið í þér, en núna ertu á bullandi siglingu og ótal tækifæri að bjóðast þér í sambandi við starfsframa, sérstaklega næstu þrjá mánuði. Lífið ólgar í kringum þig og þú gefur frá þér signal sem bræðir jafnvel erfiðasta fólk og þú átt eftir að geta sannfært alla til þess að sjá þína hlið á málunum, þá muntu brosa hringinn.

Ágústmánuður er akkúrat tíminn til að skrifa niður og plana, þú skalt hafa blað og penna við höndina og skrifa niður þær hugmyndir sem streyma til þín, því þegar þú skrifar niður það sem þú vilt að komi inn í líf þitt byrjar það miklu frekar að gerast. Það virkar ekki eins kraftmikið að setja þetta í símann eða í tölvuna, krafturinn býr í því að skrifa. Íris Berg sérstakur ritari stjörnuspárinnar, hafði svo mikinn hug á að eignast draumahúsið sitt svo ég sagði henni að skrifa niður niður nafnið sitt og heimilisfang þessa húss aftur og aftur og að sjálfsögðu fékk hún óskahúsið sitt! Ég á ótal margar aðrar sannar sögur um þann mátt sem fylgir því að skrifa niður það sem maður vill að komi inn í lífið, þetta er bara ein af þeim.

Þér finnst búin að vera dálítil bið á því þú fáir svar við spurningum, en það eru að detta inn lausnir og svör svo andaðu bara rólega því það er passað upp á þig. Þú ert bæði svo skemmtileg persóna og aðlaðandi að fólk hópast að þér, snúðu erfiðleikum við og gerðu svolítið grín af þeim, því um leið og þú getur hlegið af því sem erfitt er þá hverfur það úr huganum. Láttu heldur ekki fólk sem pirrar þig eða slúðrar í kringum þig eiga heima í höfðinu á þér, segðu þeim upp samningi og um leið dettur steinninn af bakinu á þér. Með þessu sérðu miklu frekar björtu hliðarnar og eflir ástríður þínar gagnvart því sem þú vilt faðma.

Knús og kossar, Sigga Kling

Naut 20. apríl - 20. maí

Aron Einar Gunnarsson fyrirliði íslenska knattspyrnulandsliðsins, 22. apríl

Hannes Þór Halldórsson markvörður, 27. apríl 

Guðrún Veiga Guðmundsdóttir, rithöfundur og latikokkur, 21. apríl 

Ólafur Ragnar Grímsson, fyrrum forseti, 14. maí 

Halldór Laxness, rithöfundur og skáld, 23. apríl 

Rúnar Freyr Gíslason leikari, 29. apríl 

Garðar Thor Cortes söngvari, 2. maí 

Helga Möller söngkona, 12. maí 

Katrín Tanja Davíðsdóttir crossfit-meistari, 10. maí 

Pétur Jóhann Sigfússon, 21. apríl 

Davíð Rúnar Bjarnason, boxari, 5. maí 

Eliza Reid, forsetafrú, 5. maí 

Dóri DNA, grínisti, 16. maí 

Eva Laufey Kjaran, sælkeri, 16. maí 

David Attenborough, náttúruvísinda- og sjónvarpsmaður, 8. maí