Sjáðu Game of Thrones bregðast við gömlu myndefni: „Þetta er svo vandræðalegt“
„Þetta er svo vandræðalegt,“ sagði Game of Thrones-stjarnan Maisie Williams eftir að Conan O'Brien lét þau horfa á gamlar upptökur af leikurum Game of Thrones í sérstökum upprifjunarþætti.
Brot úr þættinum er aðgengilegt á YouTube og þar má sjá hvernig helstu stjörnur þáttanna brugðust við þegar O'Brien sýndi þeim myndefni frá fyrstu þáttaröð þáttanna ofurvinsælu. Myndefnið var tekið upp árið 2009 en þættirnir runnu sitt skeið á enda í vor.
Fáir sáu fyrir hversu vinsælir þættirnir urðu en flestir af þeim sem léku í þáttunum voru nánast ókunnugir almenningi. Frægð þeirra sem léku aðalhlutverkin í þáttunum er ekki það eina sem hefur breyst á öllum þessum árum.
Kit Harrington, sem lék Jon Snow, virtist líða verst yfir því að sjá tíu ára yngri útgáfu af sjálfum sér tala um hvað hann væri ánægður með að fá að hlaupa um með sverð og í búning.
Sjá má viðbrögð leikarana hér að neðan.
Tengdar fréttir
Sophie Turner sagði foreldrum sínum ekki frá áheyrnarprufunum fyrir Game of Thrones
Leikkonan Sophie Turner, sem er þekktust fyrir hlutverk sitt sem Sansa Stark í þáttunum Game of Thrones sem vöktu einhverja athygli á sínum tíma, sagði foreldrum sínum ekki frá því að hún hafi farið í áheyrnarprufur fyrir þættina.
Viðbrögð Harington þegar hann frétti fyrst hvað Jon Snow myndi gera í lokaþættinum
Game of Thrones eru án efa vinsælustu þættir heims í dag og hafa verið það undanfarin ár. Lokaþátturinn í áttundu þáttaröðinni fór í loftið á Stöð 2 og um heim allan á dögunum og var það lokaþátturinn sjálfur.
Jimmy Kimmel gerir upp lokaþáttinn af GOT: „Nördar í dag vita ekki hvað þeir hafa það gott“
Síðasti þátturinn af Game Of Thrones fór í loftið í byrjun vikunnar og horfðu 19 milljónir Bandaríkjamanna á þáttinn og er það met í sögu HBO.
