Jens Stoltenberg mættur til Íslands
Jens Stoltenberg, framkvæmdastjóri Atlantshafsbandalagsins, er kominn til landsins. Stoltenberg kemur í boði Katrínar Jakobsdóttur, forsætisráðherra.
Vél hans lenti á tíunda tímanum í Keflavík og hann var svo mættur til fundar við Guðlaug Þór Þórðarson utanríkisráðherra um klukkan 11:30.
Stoltenberg fundar í framhaldinu með forsætisráðherra og Þjóðaröryggisráði. Þá flytur hann erindi á opnum málfundi á vegum Alþjóðamálastofnunar Háskóla Íslands, Varðbergs og utanríkisráðuneytisins í Norræna húsinu og skoðar öryggissvæðið á Keflavíkurflugvelli.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
