Elsku Ljónið mitt, lífið er búið að vera upp og niður, út og suður, fólk annaðhvort elskar þig eða vill drepa þig. Þú vekur upp allar tilfinningar sem til eru, þú ert trygglynd og góð manneskja en þarft að passa þig á letinni. Þegar þú labbar einhversstaðar inn þá birtir upp því þú hefur þau áhrif að breyta sorg í gleði ef þú nennir því, og þegar þú ákveður að það sé allt undir þér komið þá spararðu ekki púðrið.



Þú ert að fara inn í tíma þar sem þú getur bara stólað á sjálfa þig og þú átt eftir að elska það því þá fyrst veistu úr hverju þú ert gerð. Þú hefur svo magnaða orku að þú getur brennt þig eða byggt upp á einum degi því pláneta þín er sólin og þú ert hún.



Fólk blindast af göllum þínum því þeir eru þínir kostir, en um leið og þú sérð sjálfan þig og áttar þig á eigin kostum, hættir að spá í hvað öðrum finnst þá breytist lífið þitt.



Það er búið að vera allskyns drama í kringum þig, erfiðleikar og leiðindi, en fólk fyrirgefur þér allt, því að hafa svona karakter í lífi sínu lætur mann sjá að alveg sama hversu djúpt einhver hefur sokkið er alltaf hægt að synda upp á yfirborðið. Svo ef einhver hefur áhrif á aðra ert það þú án þess að skilja það.



Næstu 90 dagar eru þér hliðhollir og gefa þér styrk til að breyta svörtu í hvítt, gefa þér þá sýn að sjá allt í öðru ljósi og styrk til þess að gera kraftaverk. Þú gætir birst öðrum sem sjálhverf manneskja og þarft að sjá að þessi svarta hlið þín þarf aldrei að líta dagsins ljós. Þú færð mörg stig fyrir að gera eitthvað fyrir aðra, svo líttu á aðra sem mikilvægari en þig, þá mun allt fara vel. Ást og virðing er mikilvægasta vopnið sem þú þarft þetta sumarið.



Kossar og knús, Sigga Kling.

Ljón 23. júlí - 22. ágúst

Cara Delevingne fyrirsæta, 12. ágúst 

Ágústa Eva Erlendsdóttir, leik- og söngkona, 28. júlí 

Halldóra Geirharðsdóttir leikkona, 12. ágúst 

Birgitta Haukdal söngkona, 28. júlí 

Barack Obama Bandaríkjaforseti, 4. ágúst 

Ásdís Rán fyrirsæta, 12. ágúst 

Geir Ólafsson söngvari, 14. ágúst 

Þórunn Antonía alheimsstjarna, 28. júlí 

Albert Eiríksson, matgæðingur, 16. ágúst 

Jennifer Lopez söngkona, 24. júlí 

Diddú, 8. ágúst 

Arnór Dan, söngvari, Agent Fresco, 29. júlí 

Saga Garðarsdóttir, leikkona og grínisti, 6. ágúst 

Inga Sæland, 3. ágúst 

Sunneva Einarsdóttir, samfélagsmiðlastjarna, 7. ágúst 

Steingrímur J. Sigfússon, forseti Alþingis, 4. ágúst 

Valdimar Guðmundsson, söngvari, 7. ágúst