Lögreglunni á höfuðborgarsvæðinu var tilkynnt um líkamsárás í Garðabæ á þriðja tímanum í nótt. Þar hafði húsráðandi ætlað að vísa mönnum sem neyttu fíkniefna úr gleðskap. Mennirnir hafi hins vegar orðið ósáttir og ráðist á húsráðandann.
Í dagbók lögreglunnar kemur fram að mennirnir hafi meðal annars veitt húsráðandanum áverka í andliti.
Nokkuð var um ölvunar- og fíkniefnaakstur í borginni í nótt. Í Hafnarfirði tilkynnti leigubílstjóri um fjársvik og hótanir laust eftir klukkan fjögur í nótt.
Ráðist á húsráðanda sem vísaði mönnum úr gleðskap
