Innlent

Ólöglegur halli á Hjartagarðinum

Oddur Ævar Gunnarsson skrifar
Hallinn í Hjartagarðinum.
Hallinn í Hjartagarðinum. Mynd/ÖBÍ

Halli frá Lauga­veginum inn í Hjarta­garðinn er langt yfir leyfi­legum mörkum og brýtur gegn á­kvæðum byggingar­reglu­gerðar. Samkvæmt henni er mesti leyfi­legi hallinn fimm prósent en hallinn í Hjarta­garðinn, sem ný­lega var endur­nýjaður, er 15 prósent.

Vakin er at­hygli á þessu í að­gengis­á­taki Ör­yrkja­banda­lags Ís­lands (ÖBÍ) og segir Margrét Lilja Aðal­steins­dóttir, að­gengis­full­trúi ÖBÍ, að slík brot séu mun al­gengari en margur myndi halda.

„Við erum að reka okkur á þetta miklu oftar en maður myndi halda. Halli yfir fimm prósent hefur mjög mikil á­hrif á hreyfi­hamlað fólk og fólk sem á erfitt með gang og hvað þá þegar hann er kominn upp í 15 prósent,“ segir Margrét. „Það er svo­lítið í hið brattasta.“

Hún segir að slík brot á bygg­ingar­reglu­gerðum séu nokkuð al­geng en það sé þó ekki oft svo mikill halll eins og raun ber vitni í Hjartagarðinum.

Hún segir að það vanti eftir­lit með því að byggingar­reglu­gerðum sé fylgt eftir. „Það er ekkert eftir­lit með því að reglum sé fylgt eftir og það er eitt­hvað sem þarf að breytast,“ segir Margrét.

„Þetta skerðir að­gengi allra, ekki bara þeirra sem þurfa á að­gengi að halda, heldur bara gangandi veg­far­enda og já, allra,“ segir Margrét.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.