Elsta dóttir Charlize Theron trans

Leikkonan Charlize Theron tilkynnti á dögunum að elsta barn hennar, Jackson, væri trans en leikkonan ættleiddi hana árið 2012.

„Ég hélt líka að hún væri strákur,“ sagði leikkonan í viðtali við Daily Mail en þar segir hún frá því þegar Jackson tilkynnti henni að hún væri stelpa, þá þriggja ára gömul. Í dag er Jackson sjö ára gömul og á eina yngri systur, August, sem er þriggja ára.

Í viðtalinu segir Theron að hún styðji dóttur sína af heilum hug og það sé ekki hennar að ákveða leið hennar í lífinu. Hennar hlutverk sé að sýna dætrum sínum ást og umhyggju og sjá til þess að þær hafi allt til alls.

„Það er bara þannig. Ég á tvær fallegar dætur sem ég vil vernda og sjá blómstra.“