Adidas lætur Mourinho ekki róa

Þrátt fyrir að Tottenham, nýju vinnuveitendur José Mourinho, séu með samning við Nike ætlar Adidas ekki að láta Portúgalann róa.

Mourinho er með samning við Adidas sem færir honum 1,5 milljón punda á ári.

Frá því hann yfirgaf Inter 2010 og þar til hann tók við Tottenham hefur Mourinho eingöngu stýrt liðum sem eru með samning við Adidas.

Mourinho er eitt af andlitum Adidas og verður það áfram þrátt fyrir að hann sé tekinn við Tottenham.

Þótt Tottenham spili í búningum frá Nike heldur Mourinho áfram að nota vörur frá Adidas. Á æfingu fyrstu æfingu hans hjá Spurs var hann t.a.m. í takkaskóm frá Adidas.

Tottenham vann 2-3 sigur á West Ham United í fyrsta leiknum undir stjórn Mourinhos. Spurs mætir Olympiacos í Meistaradeild Evrópu annað kvöld.