Carlos Tevez er kominn heim

„Carlos Tevez er kominn heim!“

Svo hljóðaði tilkynning Boca Juniors, sigursælasta félags í sögu Argentínu.

#BienvenidoCarlitos ¡Tevez volvió a casa! Hoy se sumó al plantel de Guillermo en Cardales y ya se entrena con sus compañeros. #VamosBocapic.twitter.com/gAHl2DOZpt

— Boca Jrs. Oficial (@BocaJrsOficial) January 5, 2018

Er þetta í þriðja skipti sem að Tevez gengur til liðs við uppeldisfélag sitt, en hann spilaði með liðinu frá 2001-2004 og 2015-16.

Tevez gengur til liðsins frá Shanghai Shenhua, sem pungaði út rúmlega 5 milljörðum fyrir Tevez í janúar 2017, ásamt því að gera hann að einum best launaðasta fótboltamanni heims.

Fyrir það fékk lið Shanghai 4 mörk í 20 leikjum frá Tevez, sem fór ekki í grafgötur með það hversu illa honum líkaði vist sín í Kína.

Tevez spilaði í ensku úrvalsdeildinni á árunum 2006-2013 og vann deildina með báðum Manchester liðunum.