Öllum útibúum, afgreiðslum og þjónustuveri Landsbankans verður lokað klukkan 14:30 á morgun vegna kvennafrís. Þetta kemur fram í tilkynningu frá bankanum.
Allar konur eru hvattar til að leggja niður störf klukkan 14:55 á morgun, miðvikudaginn 24. október. Dagkrá hefst við Arnarhól klukkan 15:30 og er gert ráð fyrir að viðburðurinn vari í um eina klukkustund.
Búist er við miklum mannfjölda í miðborginni og þá verða miklar takmarkanir á umferð í miðborginni.
Í tilkynningu Landsbankans segir að búast megi við skerðingu á annarri þjónustu bankans á þessum tíma vegna lokananna.
Loka öllum útibúum vegna kvennafrís
Tengdar fréttir
Ætla að leggja niður störf sautján mínútum síðar en síðast
Konur eru hvattar til að leggja niður vinnu kl. 14:55 miðvikudaginn 24. október og fylkja liði á samstöðufund á Arnarhóli, kl. 15:30 undir kjörorðunum: Breytum ekki konum, breytum samfélaginu!
Reikna með að konur streymi í miðbæinn á miðvikudaginn
Miklar götulokanir verða í miðborginni á Kvennafrídeginum á miðvikudaginn. Lokanir verða á Kalkofnsvegi og víðar vegna baráttufundar á Arnarhóli í tilefni af Kvennafríi 2018.
