Aðgerðin gekk vel hjá Gunnari sem ætlar að berjast á þessu ári
Gunnar Nelson gekkst í dag undir aðgerð á hné vegna meiðsla sem hann varð fyrir á dögunum. Aðgerðin gekk vel að sögn Gunnars.
Meiðslin urðu til þess að aflýsa þurfti að bardaga Gunnars gegn Neil Magny sem átti að fara fram í Liverpool í lok maí.
Gunnar segir að aðgerðin hafi gengið vel en hann reiknar með að vera frá í átta vikur. Leiðin liggur svo beint í æfingarsalinn segir Gunnar á Instagram síðu sinni.
Einnig segir hann að hann vilji berjast á þessu ári og muni leita af bardaga þegar hann verði klár í slaginn og geti barist á ný.
Tengdar fréttir
Gunnar Nelson um meiðslin: „Þetta er alveg ömurlegt"
Bardagamaðurinn Gunnar Nelson meiddist á hné við æfingar um síðustu helgi og mun þurfa að undirgangast aðgerð.
Gunnar Nelson meiddur og bardaganum aflýst
Bardagamaðurinn Gunnar Nelson meiddist á hné við æfingar um síðustu helgi og hefur bardaganum gegn Neil Magny verið aflýst í kjölfarið.
