Frederik Schram byrjar gegn Perú | Sjö breytingar á byrjunarliðinu

Búið er að tilkynna byrjunarlið íslenska landsliðsins sem mætir Perú í vináttulandsleik í New York í kvöld en flautað verður til leiks á miðnætti. Leikið er á hinum stórglæsilega Red Bull-leikvangi í New York.

Fredrik Schram byrjar í markinu en þetta er einungis hans þriðji landsleikur. Hann leikur með FC Roskilde í Danmörku en annar leikmaður sem spilar í Danmörku, Hjörtur Hermannsson, byrjar í hægri bakverðinum.

Þeir Ari Freyr Skúlason, Birkir Bjarnason, Björn Bergmann Sigurðarson og Jóhann Berg Guðmundsson eru þeir einu sem byrjuðu einnig leikinn gegn Mexíkó á föstudag.

Það er svo nýtt miðvarðarpar frá því í leiknum gegn Perú en Ragnar Sigurðsson og Jón Guðni Fjóluson standa vaktina þar. Ari Freyr Skúlason heldur sæti sínu sem fyrr í vinstri bakverðinum.

Jóhann Berg Guðmundsson er áfram á hægri kantinum en inn á miðjunni eru svo þeir Ólafur Ingi Skúlason og Birkir Bjarnason. Rúrik Gíslason, leikmaður Sandhausen í Þýskalandi, byrjar vinstri megin.

Þeir Kjartan Henry Finnbogason og Björn Bergmann Sigurðarson eru svo í fremstu víglínu Ísland en leiknum í kvöld verður að sjálfsögðu lýst í Boltavakt Vísis.

Byrjunarlið Íslands:

Frederik Schram

Hjörtur Hermannsson

Ragnar Sigurðsson

Jón Guðni Fjóluson

Ari Freyr Skúlason

Jóhann Berg Guðmundsson

Ólafur Ingi Skúlason

Birkir Bjarnason

Rúrik Gíslason

Björn Bergmann Sigurðarson

Kjartan Henry Finnbogason