Leikmenn Liverpool mega ekki brosa of mikið

Jurgen Klopp, knattspyrnustjóri Liverpool, vill ekki að hans mennn brosi of mikið.

Liverpool vann West Ham örugglega 4-1 á heimavelli sínum og situr í 3. sæti ensku úrvalsdeildarinnar og lífið leikur við leikmennina. En það finnst Þjóðverjanum Klopp hættulegt.

„Við verðum að vera reiðir út í heiminn og halda áfram að vera agressívir,“ sagði Klopp.

„Þú tapar smá á því að vinna endalaust. Við erum búnir að vinna einhverjar tvær, þrjár eða fjórar vikur í röð. Þá er erfitt að vinna fimmtu vikuna, að halda sér á tánum.“

Þrátt fyrir áhyggjur Klopp af því að lið hans gæti orðið kærulaust var lítið sem benti til þess í leiknum um helgina þar sem þeir héldu áfram að sækja allan leikinn og sigurinn aldrei í hættu.

„Í upphafi tímabilsins var ekki mikið um hlátur í klefanum. Núna þarf ég að biðja leikmennina um að róa sig yfir hádegismatnum. Þetta er frábær hópur og mikið um brandara en við verðum að passa okkur á því að halda kraftinum og baráttunni uppi.“

„Ég leyfði mér að vera glaður eitt kvöld. Svo fór ég að einbeita mér að leiknum við Newcastle,“ sagði Jurgen Klopp