Bonnie Tyler kemur fram á Secret Solstice
Söngkonan fræga Bonnie Tyler mun koma frá á tónlistarhátíðinni Secret Solstice í sumar en hátíðin fer fram í Laugardalnum 21.-24. júní.
Þetta verður í fimmta sinn sem Secret Solstice verður í Laugardalnum. Söngkonan hefur verið ein sú vinsælasta í heimi allt frá áttunda áratug síðustu aldar en eitt þekktasta lag Bonnie Tyler er líklegast Total Eclipse of a Heart. Þá má nefna lög á borð við It's a heartache og Holding out for a hero.
Jón Bjarni Steinsson hjá Secret Solstice staðfesti þetta í samtali við þá Harmageddon bræður í morgun og nefndi hann til sögunnar fullt af íslenskum böndum sem koma fram.
Hér að neðan má hlusta á lagið vinsæla með Tyler.
Tengdar fréttir
Valdimar tekur Bonnie Tyler betur en þið öll
Söngvarinn Valdimar Guðmundsson tók eitt þekktasta karaoke lag heims í Landssöfnun Hjartaverndar á Stöð 2 í kvöld.
Sjáðu framlag Bonnie Tyler í Eurovision
Bonnie Tyler hefur verið valin til þess að flytja framlag Breta í Eurovision í vor. Söngkonan hefur verið ein sú vinsælasta í heimi allt frá áttunda áratug síðustu aldar. Vonir standa til að henni muni ganga betur en Engelbert Humperdinck í fyrra, en hann var í næstsíðasta sæti. Eitt þekktasta lag Bonnie Tyler er líklegast Total Eclipse of a Heart
