„Það eina sem þessi þjóð þurfti var Daða í skaupið“

Daði Freyr Pétursson sló botninn í Áramótaskaup gærkvöldsins með laginu „Seinni tíma vandamál“.  Daða Frey skaut upp á stjörnuhimininn í vor en hann hafnaði sem kunnugt er í öðru sæti í undankeppni Söngvakeppni evrópskra sjónvarpsstöðva.

Daði Freyr var í essinu sínu í Skaupinu, íklæddur peysunni sinni frægu og vopnaður rauða hljómborðsgítarnum.

Ekki náðist í Daða við vinnslu fréttarinnar en hann er staddur í Kambódíu um þessar mundir ásamt kærustu sinni Árnýju Fjólu. Hægt er að fylgjast með ferðalögum skötuhjúanna næstu vikurnar á ruv.is.   

Tístarar ánægðir með Daða 

Daði uppskar mikið lof í netheimum og virtust menn almennt kátir með þetta hressilega lokaatriði Skaupsins. „Það eina sem þessi þjóð þurfti var Daða í skaupið“, tísti Ágústa B. Kettler K. og fleiri tóku í sama streng og hún líkt og sjá má í tístunum hér fyrir neðan:

Líklega besta skaup sem ég hef séð. Solid val að fá Daða fyrir lokalagið sem hefur oft verið veikur punktur í skaupum síðari ára. Gæjinn verður bara nettari.#skaupið17

— Davíð Sighvatsson (@David__Rist) December 31, 2017

Það má segja sem svo að @dadimakesmusic hafi ekki bara verið rúsínan í pylsuenda skaupsins heldur rúsínan í pylsuendanum sem árið 2017 er! #skaupið17

— Þóra Sif Guðmunds (@thorasifg) December 31, 2017

Mig langar að faðma Daða og aldrei sleppa #skaupið17

— Martin Sindri (@martinsindri) January 1, 2018

Það eina sem þessi þjóð þurfti var Daða í skaupið #skaupið17

— Ágústa B. Kettler K. (@agusta8) December 31, 2017

enn og aftur sigrar Daði Freyr hjörtu landsmanna #skaupið17

— Páll Snorrason (@Pallisan) December 31, 2017

Okei þetta Daðalag groovar #skaupið17

— Hafsteinn Árnason (@h_arnason) December 31, 2017