Alvarleg líkamsárás í Smáíbúðahverfinu

Karlmaður var fluttur á slysadeild eftir alvarlega líkamsárás í Smáíbúðahverfinu í Reykjavík skömmu eftir miðnætti í nótt.

Einhvers konar barefli var notað í árásinni og var annar karlmaður handtekinn og vistaður í fangageymslum lögreglunnar.

Mikill viðbúnaður var á bráðamóttöku Landspítalans í nótt enda nýársnótt jafnan ein annasamasta nótt ársins þar. Betur gekk þó í nótt en svo oft áður á nýársnótt.

Sex manns leituðu á bráðadeild Landspítalans í Fossvogi vegna flugeldaslysa í nótt. Ekkert þeirra var þó alvarlegt.