Marta tekur sæti Hildar í borgarstjórn

Marta Guðjónsdóttir varaborgarfulltrúi tekur í dag sæti sem borgarfulltrúi Sjálfstæðisflokksins, en Hildur Sverrisdóttir hyggst biðjast lausnar frá störfum vegna setu á Alþingi.

Í tilkynningu segir að Marta hafi setið í fjölmörgum ráðum og nefndum á vegum borgarinnar á þessu kjörtímabili svo sem í skóla- og frístundaráði, íþrótta- og tómstundaráði, menningar- og ferðamálaráði og hverfisráði Vesturbæjar.

Hún var formaður Varðar fulltráðs sjálfstæðifélaganna í Reykjavík á árunum 2007 til 2010 og hefur gegnt fjölmörgum öðrum trúnaðarstörfum fyrir Sjálfstæðisflokkinn.

Marta segir þetta auðvitað vera tímamót á hennar pólitíska ferli þó að hún hafi nú þegar töluverða reynslu af borgarpólitíkinni. „Borgarstjórn á sér merkilega sögu sem lítur að verklegum og félagslegum framförum í gegnum tíðina. Ég hlakka því til að vinna í þeim anda að hagsmunum borgarbúa,“ segir Marta.