H&M rútur ganga á 5 mínútna fresti fyrir opnunarhófið
Allir þeir útvöldu sem voru boðnir í H&M opnunarhófið fengu í dag sendar nánari upplýsingar um viðburðinn. Í tölvupóstinum er óskað eftir því að boðsgestir noti innganginn við hlið H&M verslunarinnar í Smáralind. Þar munu gestir verða skráðir inn og fá armbönd. H&M lofar frábærum mat, drykkjum og skemmtiatriðum frá innlendu tónlistarfólki.
Viðburðurinn hefst í Smáralind klukkan 19:00 næstkomandi fimmtudag. Sérstakar H&M rútur munu keyra frá Hallgrímskirkju á fimm mínútna fresti frá 18:30 til 19:30. Frá 22:00 til 23:00 munu svo H&M rútur fara á fimm mínútna fresti og stoppa á nokkrum stöðum á Höfuðborgarsvæðinu.
Á meðal þeirra sem eru á boðslistanum eru lífsstílsbloggarar, áhrifavaldar, leikarar, fatahönnuðir, fjölmiðlafólk og fleiri. Á meðal boðsgesta eru Hilmir Snær, Eva Laufey Kjaran, Bjarki Gunnlaugs, Hildur Yeomen, Jóhannes Haukur, Álfrún ritstjóri Glamour, Björn Bragi fleiri þekktir einstaklingar.
Tengdar fréttir
Umdeildur innkaupapoki áfram á Lækjartorgi næstu daga
Risavöxnum innkaupapoka sem auglýsir opnun verslunarinnar H&M um næstu helgi var komið fyrir á Lækjartorgi í Reykjavík í morgun. Auglýsingin er umdeild en fær að standa fram yfir mánaðamótin.
Íslenskum áhrifavöldum boðið að versla á afslætti í H&M fyrir opnun
Íslenskum samfélagsmiðlastjörnum og öðrum áhrifavöldum innan tískuheimsins hefur verið boðið á opnunarhóf H&M á Íslandi, tveimur dögum fyrir hinn eiginlega opnunardag. Áhrifavaldarnir fá að taka með sér vin og býðst að versla vörur á afslætti.
