Fyrirlestur hennar hefst klukkan 12 og verður Háskóli Íslands með beina útsendingu sem nálgast má hér að neðan - sem og með því að smella hér.
Yeonmi Park flúði Norður-Kóreu ásamt fjölskyldu sinni þegar hún var 13 ára og berst nú gegn mannréttindabrotum sem eiga sér þar stað undir stjórn Kim Jong-un. Bók hennar hefur setið í efstu sætum metsölulistans hér heima og búist er við fjölmenni á fundinn á eftir.
Þannig hafa rúmlega 500 manns boðað komu sína á fyrirlestur hennar í Hátíðasalnum í dag sem er opinn öllum.
Dagskrá fundarins er eftirfarandi:
- Bjarni Bendiktsson, forsætisráðherra, setur fundinn og býður Yeonmi Park velkomna.
- Yeonmi Park flytur erindi.
- Vera Knútsdóttir, framkvæmdastjóri Félags Sameinuðu þjóðanna á Íslandi, mun bregðast við ávarpi Yeonmi Park og stýra fundinum.
