Hálf-íslenski „Krúnukúgarinn“ svipti sig lífi

Hálf-íslenskur og hálf-skoskur maður, sem meðal annars gekk undir nafninu Paul Aðalsteinsson og var árið 2008 dæmdur fyrir að reyna að kúga fé úr bresku konungsfjölskyldunni, svipti sig lífi nú um jólin. Þetta kom fram í dómsal í London nú fyrir skömmu, eftir að andlát hans var rannsakaði í þaula.

Maðurinn sem notaðist að mestu við nafnið Ian Strachan fannst látinn á Þorláksmessu eftir að hafa innbyrt mikið magn lyfja út í mjólk. Þetta kemur fram á vef Telegraph, en rannsókn var framkvæmd af Westminster Coroner‘s Court sem rannsakar óútskýrði dauðsföll.



Ian var ásamt öðrum manni dæmdur fyrir að hafa reynt að kúga 50 þúsund pund út úr konungsfjölskyldunni vegna myndbands sem átti að sýna aðstoðarmann konungsfjölskyldunnar monta sig af því að hafa stundað mök með karlkyns meðlimi fjölskyldunnar.

Sjá einnig: Meintur fjárkúgari og lögfræðingur hans með sterk tengsl til Íslands (Frétt frá 2007)



Samkvæmt Scottish Daily Record var lögmaður Ian, Giovanni Di Stefano, ekki allur þar sem hann var séður. Hann var dæmdur í fjórtán ára fangelsi fyrir margskonar svik og pretti. Independent segir hann ekki hafa verið lögmann í alvörunni. Þá laug hann til um það að hafa varið Saddam Hussein og Slobodan Milosevic.

Sjá einnig: Dæmdur svikari ver hálfíslenskan meintan fjárkúgara

Þrátt fyrir að hafa verið dæmdur í fimm ára fangelsi árið 2008 sat Ian inni í aðeins tvö og hálft ár. Dómsmálið gegn Ian vakti mikla athygli hér á landi eins og sjá má hér að neðan.

Árið 2013 datt hann fram af svölum og missti annan fótinn og mun hann lengi hafa átt við áfengis-, fíkniefna- og lyfjavanda að stríða. Þá var hann í farbanni í Íran í tæpt ár vegna deilna um sportbíl sem hann var sakaður um að hafa skemmt. Ian er sagður hafa fengið tvö hjartaáföll í fyrra vegna umfangsmikillar notkunar á kókaíni.

Í yfirlýsingu frá móður Ian segir hún að hann hafi beitt sig ofbeldi og borðað pillur eins og sælgæti. Hún segir hann hafa átt við mörg vandamál að stríða.