Höfuðborgin missir flugið

Samfélag Íbúum fjölgar í öllum landshlutum að Vestfjörðum undanskildum þar sem íbúafjöldinn nánast stendur í stað. Íbúum fjölgar einnig í dreifbýli og smáum byggðakjörnum vítt og breitt um landið. Í upphafi árs voru landsmenn 338.349 að tölu og hafði þeim fjölgað um 5.820 frá því árinu á undan, eða um 1,8 prósent. Athygli vekur í tölum Hagstofunnar að fjölgun á höfuðborgarsvæðinu var aðeins 1,5 prósent á sama tíma og landsmeðaltalið var 1,8 prósent. Mest var fjölgunin á Suðurnesjum, um 6,6 prósent, og á Suðurlandi fjölgaði íbúum um 2,1 prósent. – sa