Bein útsending: Kvöldfréttir Stöðvar 2

Vegkaflinn þar sem alvarlegt slys varð á Reykjanesbraut í gær, fær falleinkunn. Rætt verður við sérfræðing í samgöngumálum í fréttum Stöðvar tvö klukkan hálf sjö, en eins og fram hefur komið þarf að bíða til ársins 2019 eftir samgöngubótum á vegarkaflanum, þar sem tvö alvarleg slys hafa orðið á innan við tveimur vikum.

Í fréttatímanum kynnum við okkur líka endurreisn eins best varðveitta hótels landsins frá gamalli tíð og ræðum við Lydiu Brown, sem er hán, en það þýðir að Lydia lítur hvorki á sig sem mann né konu og er því kynsegin.