Fundu tæplega 70 kannabisplöntur

Lögreglan á Suðurnesjum stöðvaði kannabisræktun í íbúðarhúsnæði í umdæminu síðastliðinn sunnudag. Tæplega sjötíu kannabisplöntur og ræktunarbúnaður fundust í húsnæðinu.

Í tilkynningu frá lögreglu segir að mikinn kannabisfnyk hafi lagt frá húsnæðinu þegar lögreglumenn bar þar að. Einn var handtekinn en hann hefur játað að hafa staðið að ræktuninni.

Lögreglan minnir í tilkynningu sinni á fíkniefnasímann, 800-5000. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.