Loksins deildarsigur hjá Everton | Sjáið mörkin

Everton fagnaði sínum fyrsta deildarsigri á nýju ári þegar liðið vann 3-0 heimasigur á Newcastle á Goodison Park í ensku úrvalsdeildinni í kvöld. Ross Barkley skoraði úr tveimur vítaspyrnum í leiknum.

Everton var búið að spila fimm deildarleiki í röð án þess að vinna en þetta var fyrsti deildarsigur liðsins síðan liðið mætti Newcastle síðast sem var 26. desember.

Aaron Lennon skoraði fyrsta markið um miðjan fyrri hálfleik og fiskaði síðan vítið sem gaf annað markið sem Ross Barkley skoraði. Barkley fiskaði annað víti í lokin og skoraði úr því sjálfur, hans annað mark í leiknum.

Everton vann leikinn mjög sannfærandi og sigurinn hefði getað orðið stærri. Rob Elliot átti frábæran leik í marki

Everton er því búið að vinna Newcastle tvisvar á rúmum mánuði og það eru einu deildarsigrar liðsins síðan í nóvembermánuði.

Newcastle endaði leikinn manni færri eftir að Jamaal Lascelles fékk á sig víti og rautt spjald í uppbótartíma leiksins.

Everton er í ellefta sæti eftir þennan sigur í kvöld en Newcastle er áfram í fallsæti nú tveimur stigum á eftir Norwich sem er í síðasta örugga sætinu.

Aaron Lennon kemur Everton yfir Ross Barkley skorar annað mark Everton Ross Barkley með stæla í seinna vítinu