Hélt veislu áður en hann fer í fangelsi fyrir kynferðisglæp

Knattspyrnumaðurinn Adam Johnson hélt heljarinnar veislu á heimili sínu um helgina ef marka má fréttaflutning ensku götublaðanna The Sun og Daily Mail um helgina.

Johnson var á dögunum sakfelldur fyrir kynferðisbrot gegn barni en hann játaði einnig á sig að hafa dregið og tálar og kysst fimmtán ára stúlku.

Sjá einnig: Johnson sekur um kynferðisbrot gegn barni

Þegar Johnson var sakfelldur sagði dómarinn í málinu að knattspyrnukappinn, sem hefur nú verið rekinn frá Sunderland, mætti eiga von á þungum dómi en hann gæti átt yfir höfði sér allt að tíu ára fangelsi.

Dómarinn sagði Johnson að koma sínum málum á hreint og kveðja dóttur sína, sem er eins árs.

Sjá einnig: Johnson í fangelsi eftir þrettán daga

Í bresku blöðunum í dag birtust hins vegar myndir af ungri konu að yfirgefa heimili Johnson á sunnudagsmorgun, með bjórflösku í hönd. Hún var í fylgd karlmanns sem virtist einnig hafa verið í veislunni.

Sjáðu frétt Daily Mail hér.