FH þurfti að þola annan skell í Portúgal

FH veitti Bidasoa mikla keppni á Spáni í fyrsta leik keppninnar en hefur í kjölfarið tapað stórt gegn franska liðinu Limoges í Kaplakrika og svo í Portúgal í kvöld.

Marítimo komst í 18-5 og var ellefu mörkum yfir í hálfleik, 22-11. Það var því aldrei spurning hvernig færi í seinni hálfleiknum.

Jón Bjarni Ólafsson, Einar Rafn Eiðsson og Símon Michael Guðjónsson voru markahæstir FH með fjögur mörk hver en Ágúst Guðmundsson, Jakob Martin Ásgeirsson, Eiður Rafn Valsson og Ómar Darri Sigurgeirsson skoruðu þrjú mörk hver.

Í hinum leik riðilsins í kvöld vann Limoges 32-28 heimasigur gegn Bidasoa. Næsti leikur FH í keppninni er heimaleikurinn við Marítimo þriðjudagskvöldið 17. nóvember.

Gummersbach og Flensburg fögnuðu sigri

Gummersbach, undir stjórn Guðjóns Vals Sigurðssonar, fagnaði tíu marka sigri gegn Eurofarm Pelister á heimavelli. Elliði Snær Viðarsson skoraði tvö marka Gummersbach. Arnar Freyr Arnarsson skoraði sömuleiðis tvö mörk fyrir Flensburg í 36-27 sigri gegn Buzau. Bergischer, lið Arnórs Þórs Gunnarssonar, tapaði hins vegar 37-31 á útivelli gegn Sesvete Triglav í Króatíu.